Vizeari – უნგრული დაბალბიუჯეტური ავიაკომპანია. მისი ოფიციალური დასახელებაა შპს. Wizz Air Hungary. ავიაკომპანიის სათავო ოფისი ბუდაპეშტში, ფერენც ლისტის საერთაშორისო აეროპორტში მდებარეობს და ფრენებს ახორციელებს როგორც ევროპის მრავალი მიმართულებით, ასევე ისრაელისა და არაბეთის გაერთიანებული ემირატების მიმართულებით. კერძოდ, Wizz Air-ის უდიდესი საჰაერო ფლოტი ემსახურება 42 ქვეყანას.

იგი 2003 წლის სექტემბერში დაარსდა, რომლის მთავარი ინვესტორი იყო ამერიკული კერძო საინვესტიციო კომპანია “Indigo Partners”. პირველი ფრენა 2004 წლის 19 მაისს განახორციელა, კრაკოვის საერთაშორისო აეროპორტიდან. 2011 წელს ავიაკომპანიამ 11 მილიონი მგზავრი გადაიყვანა, მათ შორის 4,2 მილიონი მგზავრი პოლონეთის მიმართულებებზე. ბოლო დროის განმავლობაში, Vizear -მა გახსნა ახალი ბაზები: ბოსნია-ჰერცოგოვინიაში, ბულგარეთში, ლატვიაში, ლიეტუაში, ჩრდილოეთ მაკედონიაში, რუმინეთში, სერბეთში, სლოვაკეთში, უკრაინაში, ჩეხეთში და რაც მთავარია- საქართველოში. ქუთაისის მიმართულებით ფრენები 2017 წელს დაემატა.

2012 წელს ავიაკომპანიამ ახალი შინაგანაწესი შემოიტანა, რომლის მიზანი იყო თვითმფრინავის სალონში მგზავრებს უფრო მცირე რაოდენობით ბარგი აეტანათ. შესაბამისად, უფასო გახდა სალონში მხირე ხელბარგის ატანა, ხოლო დიდი ხელბარგის შემთხვევაში მგზავრებს დამატებით 10-დან 30-ევრომდე მოუწევთ გადახდა. 2015 წელს ამ ავიაკომპანიამ ლონდონის საფონდო ბირჟაზეც კი დაიწყო ვაჭრობა, რაც მის მდგრადობაზე და წარმატებაზე მეტყველებს. WizzAir – მა ხარჯების შემცირების მიზნით, გადაწყვიტა ფრენები ძირითადად მეორეხარისხოვანი, მცირე და საშუალო ზომის აეროპორტებიდან განეხორციელებინა.

ახლა კი, როცა ავიაკომპანიის კორპორატიულ საქმიანობას გავეცანით, გადავხედოთ თუ რა სერვისებს გვთავაზობს ის: აეროპორტის სერვისები კომფორტისთვის, ტარიფის გაყინვა, WIZZ Priority, WIZZ Flex, WIZZ ოჯახებისთვის, WIZZ ანგარიში, სასაჩუქრე ვაუჩერი, ცვლადი თანამგზავრი, რეისზე ავტომატური რეგისტრაცია, გვერდიგვერდ ჯდომა, MIX & MATCH ავიარეისები. ასევე ავიაკომპანია ბორტზე სხვადასხვა საკვებისა და სასმელების შეძენის სერვისს გვთავაზობს “Wizz Cafe” -ს მეშვეობით. დამატებით გააჩნია სავაჭრო მომსახურება სახელწოდებით “Wizz Boutique”.